Listen to the song here if it doesn't play automatically
The song will play in a new window allowing you to follow the words as you listen to the song.

Sung by 'Kel' frae Fife

There was a lad was born in Kyle,
But whatna day o' whatna style,
I doot it's hardly worth the while
To be sae croose wi Robin.

Chorus
Robin was a rovin Boy,
A rantin, rovin, rantin, rovin;
Robin was a rovin Boy,
A rantin, rovin, Robin.

Our monarch's hindmost year but ane
Was five-and-twenty days begun,
'Twas then a blast o' Janwar win
Blew hansel in on Robin.

Chorus
Robin was a rovin Boy,
A rantin, rovin, rantin, rovin;
Robin was a rovin Boy,
A rantin, rovin, Robin.

He'll hae misfortunes great and sma,
But ay a heart aboon them aa;
He'll be a credit till us aa,
We'll aa be proud o'Robin.

Chorus
Robin was a rovin Boy,
A rantin, rovin, rantin, rovin;
Robin was a rovin Boy,
A rantin, rovin, Robin.